विदेशीलाई नागरिकता दिने अभियान माओवादीले भाड्ने

हजुरको माया भनेको लाइक हो तसर्थ लाइक गरी सहयोग गर्नुहोला!!!

भिडियो हेर्न तल क्लिक गर्नुहोस् !

१३ बैशाख, काठमाडौ । नेकपा-माओवादीले चार शक्तिबीच भएको ११ बुँदे सहमतिको खारेजी र प्रधानन्यायाधीश नेतृत्वको सरकारको राजीनामा नभएसम्म संविधानसभा निर्वाचन हुन नदिने जनाएको छ । आफ्नो मागको संवोधन नगरि जबरजस्ती निर्वाचन गर्न खोजिए सशक्त प्रतिकार गर्ने माओवादीले चेतावनी दिएको छ ।
राजधानीमा हालै सम्पन्न केन्द्रीय समितिको विस्तारित बैठकले गरेको निर्णय सार्वजानिक गर्दै नेकपा माओवादीले राष्ट्रिय स्वाधीनताको आन्दोलनलाई अझ सशक्त बनाउने निर्णय पनि गरेको छ । महासविच रामबहादुर थापाले आज एक विज्ञप्ती प्रकाशित गरी चारदलीय सिण्डिकेटद्वारा गरिएको “११ बुंदे सहमति”को खारेजी र सोही सहमतिको आधारमा सर्वोच्च अदालतका प्रधान न्यायाधीशको अध्यक्षतामा बनाइएको सरकारको राजीनामा हुनुपर्ने माग गरेका छन् ।
आन्दोलनरत दल समेतको सर्वपक्षीय गोलमेच सभाको आयोजना र त्यसैको सहमतिमा चुनाबी सरकार निर्माण गर्नुपर्ने भन्दै त्यसो नभए शसक्त आन्दोलन गर्ने पनि माओवादीले जनाएको छ ।
नेकपा-माओवादीले वास्तविक नेपालीहरूलाई नागरिकता वितरण गर्नुको सट्टा विदेशीहरुलाई नेपाली नागरिकता दिई नक्कली मतदाता सूची तयार गर्न लागेको भन्दै यही बैशाख ८ गतेबाट शुरू भएको नागरिकता वितरण कार्यक्रमको भण्डाफोर गर्ने पनि चेतावनी दिएको छ ।
माओवादीले भारत सरकारले नेपालको अनुमति बिना नै विराटनगरमा राखेको कुटनीतिक कार्यालय र सो कार्यालयको गतिविधि तुरुन्त बन्द गराउन माग गर्दै यसको विरोधमा १६ गते भारतीय दुतावासमा विरोध पत्र दिने निर्णय पनि गरेको छ ।
यसैगरी, नेकपा-माओवादीले बैशाख १८ गते देशव्यापी रूपमा मई दिवस मनाउने, बैसाख २० गते देखि ‘मेची महाकाली अभियान’ संचालन गर्ने निर्णय गरेको छ । माओवादीले थपिएका केन्द्रिय सदस्यहरूका साथै सल्लाहकार सदस्यहरूको समेत कार्य विभाजन पार्टीको व्युरो र केन्द्रीय कार्यालय बसेर गर्ने निर्णय गरेको महासचिव थापाले जानकारी दिए ।

भिडियो हेर्न तल क्लिक गर्नुहोस् !

Category: Latest News