२२ बैशाख, दाङ । नेपाली कांग्रेसकी नेतृ सुजाता कोइरालाले मोहन वैद्य नेतृत्वको नेकपा-माओवादीसहित आन्दोलनरत दलले चुनावमा भाग नलिए आगामी मंसिरमा पनि चुनाव हुन नसक्ने ठोकुवा गर्नु भएको छ । कोइरालाले कुनैपनि राजनीतिक दल चुनावभन्दा बाहिर रहने अवस्थामा चुनाव असम्भव हुने वताउनु भयो । 

रिपोर्टर्स क्लव नेपाल दाङ शाखाले आइतवार दाङको घोराहीमा आयोजना गरेको साक्षात्कार कार्यक्रममा उहाँले सरकारले आन्दोलनरत दललाई सहमतिमा ल्याएर सवैलाई समेटेर अघि वढ्नु पर्ने वताउनुभयो । उहाँले वर्तमान सरकारले आगामी मंसिरमा पनि चुनाव गराउन नसके त्यसको जिम्मेवारी सरकारले नभई प्रमुख दलका शीर्ष नेताहरुले लिनु पर्ने वताउनुभयो ।

कोइरालाले भन्नुभयो,’ मंसिरमा चुनाव हुन्छ, शंका गर्नु हुँदैन । चुनाव हुन नसक्ने भए त्यसको विकल्प चार दलका शीर्ष नेताले दिनु पर्छ ।’ नेतृ कोइरालाले शीर्ष नेताहरुमा नै नेतृत्व क्षमता गुम्दै गएको वताउनु भयो । कोइरालाले भन्नुभयो,’नेताले नेता मिलेर अघि बढ्नु पर्‍यो । अनिमात्र मात्र जनताले विश्वास गर्छन ।’