बयरवन-८, रमाईलोबाट एमाओवादीको आमसभामा भाग लिन गाडी चढेर इटहरीतर्फ आइरहेका कार्यकर्ता डम्बरबहादुर दाहाललाई गाडी चढेर विपरीत दिशातिर गइरहेका वैद्य पक्षका कार्यकर्ताले गाडीको छतबाटै भाटाले हानेर शक्त घाइते बनाएका हुन् ।

पूर्व झापातर्फ जाँदै गरेको बसको छतबाट एमाओवादी कार्यकर्ता चढेको बसको छतमा वैद्यका कार्यकर्ताले भाटा प्रहार गरेका थिए । भाटा प्रहारबाट अर्को बसको छतमा रहेका दहाललाई लागेको थियो । उनको कन्चटमा गहिरो चोट लागेको  स्थानीय पत्रकार भक्तशेर लिम्बुले अनलाइनखबरलाई जानकारी दिनुभयो ।

बेलबारीस्थित नोबेल सामुदायिक उपचारकेन्द्रमा राखिएका दाहालको टाउकोमा पन्ध्र टाँका लगाइएको छ । उनका तीनवटा नसामा समेत असर परेको चिकित्सकले बताएका छन् ।उनको बेलबारी नोवेल सामुदायिक अस्पतालमा उपचार भइरहेको छ ।

यसैवीच एमाओवादीले विज्ञप्ति प्रकाशित गरेर वैद्यका कार्यकर्ताले गरेको व्यवहारलाई अमानवीय हर्कत बताएको छ ।